Hierdie klassieke Franse gereg is een van my gunstelinge en as jy bietjie tyd het is dit 'n absolute wenner.
Jy benodig so 7-10 lekker groot artappels in baie fyn skywe gesny - so 2-3 mm. Die klasieke Franse manier is om dit te skil maar ek los my skille aan. Nou pak jy die skywe mooi (soos die foto)en gooi na elke laag bietjie sout en peper en as jy bietjie vars kruie het, soos marjolyn of origanum. Nou kan jy witsous maak van melk en Maizeina waarin jy lekker parmesan kaas rasper. Die sous moet die lae amper heeltemal bedek en moet dus 'n lange eerder as 'n dikke wees! As jy so 3 of 4 lae gepak het giet jy jou sous oor. Nou strooi jy twee handevol fyn broodkrummels oor en top die besigheid af met nog 'n gooisel kaas. Sit hom nou in 'n voorverhitte oond teen 180 grade vir so uur. Haal uit en geniet as hoofgereg of bykos. Vive le France!
No comments:
Post a Comment